Canu’r Clychau
Canu’r Clychau
Er y ddeunawfed ganrif y mae’r clychau sydd yn nhŵr anferth yr eglwys wedi galw pobl i addoli ac wedi nodi digwyddiadau pwysig ym mywyd y genedl. Chwe chloch oedd yno i ddechrau ond yn 1885, pan adnewyddwyd rhannau o’r eglwys, cafodd y chwe chloch eu hadnewyddu ac ychwanegwyd atynt ddwy gloch arall. Ffwndri Rudhall a daflodd y gloch hynaf yn y tŵr yng Nghaerloyw yn 1749.
Adnewyddu Adeg y Mileniwm
Ar ddiwedd y ganrif ddiwethaf gwnaethpwyd gwaith ar y ffrâm a chymerwyd y cyfle i gynyddu’r caniad o 8 i 10 o glychau. Codwyd swm sylweddol o arian gan aelodau’r eglwys a chan y gymuned leol a chwblhawyd y gwaith yn ystod haf 2001.
Heddiw mae gan Eglwys Llanbadarn un o’r casgliadau gorau o glychau yng Nghymru a daw clochyddion o bob man i’w canu.
Os hoffech ddysgu bod yn glochydd mae croeso ichi ddod i’r ymarfer a gynhelir bob nos IAU o 7.30pm.
Ymholiadau ynglŷn â Chanu’r Clychau – Capten y Tŵr – Ian Willgress – 07732 406538
ebost ianbells5040@gmail.com
Dirprwy Gapten y Tŵr ac Ysgrifennydd – Bob McIntyre